Գազատրանսպորտային համակարգի հանգույցների կրողունակությունը բարձրացնող վերջնամշակման համալիր տեխնոլոգիայի և սարքի կիրառումը

Ամփոփում

Ցույց է տրված, որ Հայաստանում գազատրանսպորտային համակարգերի խողովակա­շարերը հիմնականում տեղակայվում են համեմատաբար բարդ ռելիեֆում և աշխատում են միաժամանակյա ազդող գործոնների պայմաններում, որոնց պատճառով խողովակների կցվան­քային եռակցված կարերում առաջանում և զարգանում են կոռոզիոն-հոգնածային և զուտ կոռո­զիոն գործընթացներ: Նշված երևույթները զգալիորեն նվազեցնում են խողովակաշարերի կրո­ղունակությունը և ծառայության ժամկետը, որոշ դեպքերում նույնիսկ առաջացնելով հերմե­տի­կության խախտում և հոգնածային քայքայումներ: Նման երևույթներից խուսափելու նպա­տա­կով առաջադրված է եռակցված կարերի կրողունակության բարձրացման համալիր վերջնամշակ­ման տեխնոլոգիա, որի շնորհիվ վերանում են կարերի մակերևութային արատները և միկրո­ճա­քերը, կարերի և կից հատվածների մակերևութային պլաստիկ դեֆորմացմամբ աճում է դրանց հոգնա­ծային դիմադրությունը, իսկ հատուկ պոլիմերային մածուկով ծածկապատմամբ բարձրաց­վում եռակցվ­ած կարի հերմետիկությունը և կոռոզիադիմացկունությունը: Նշված տեխնոլոգիան իրա­կա­նացնելու նպատակով նախագծված է հատուկ շարժական սարք, որը տեղակայվում և ամրաց­վում է եռակցված կարի վրա: Սարքում տեղակայված են շփական շրջագլորմամբ աշխա­տող և հանդիպակաց դասավորված երկուական հղկամաքրիչ և պլաստիկ դեֆորմացնող հոլո­վակ­ներ: Սարքի վրա տեղակայված էլեկտրաշարժաբերով պտույտն իրանի ներսում փոխանց­վում է ատամ­նանիվի վրա հոդակապորեն ամրացված երկու կլոր շարժական կիսալծակներին, որոն­ցում տեղադրված են նշված չորս հոլովակները, իսկ մեկի վրա` հղկափոշու մաքրման և եռակց­ված կարը հակակոռոզիոն մածուկով ծածկապատող հանգույցը: Առաջադրվող սարքի կիրառ­մամբ զգալիորեն կրճատվում են գազատարերի վրա ձեռքով կատարվող աշխա­տանք­ները, բարձ­րանում են շահագործական հուսալիության ցուցանիշները և երկարացվում գազա­տար­երի ծառայության ժամկետները: