ՀՀ պաշտպանության և անվտանգության կարիքների համար նավիգացիոն ռեֆերենց կայանների ցանցի ստեղծման հիմնավորումները

Ամփոփում

Հիմնավորվել և մշակվել է ՀՀ սահմանամերձ գոտիներում պաշտպանության և անվտան­գու­թյան կարիքների համար նավիգացիոն մշտական գործող ռեֆերենց կայանների ցանցի ստեղծ­­ման նախագիծ, որտեղ տրված են ռեֆերենց ցանցի սխեման, առանձին կայանների տե­ղերի ընտ­րության պայմանները, սահմանված է ցանցի դիտարկման փուլերը, դիտարկ­ման ժամանակա­հատ­վածը: Ըստ դիտարկման օրերի և սեսիաների ռեֆերենց կայանների ցանցի գեո­կա­պակցման համար որպես ելային տվյալներ ընդունել ՀՀ-ում գործող 12 մշտական գործող կայանների և հանրապետության տարածքի մոտակայքում նույն ժամանակահատվածի մինչև 2000 կմ շառա­վղով առկա ITRF կայանների կոորդինատները: Նավիգացիոն ռեֆերենց ցանցի հա­­վասարեցման և հավասարակշռման աշխատանքները կիրականացվի Bernese GNSS v5.0 ծրա­գրային փաթեթով: Ռեֆերենց կայանների վերջնական հաշվարկված կոորդինատների ճշտու­թյան աստիճանի գնահատման համար դրանք պետք է համեմատել հավասարակշռման ընթաց­քում ներգրավված ITRF կայանների ITRF20-ի կոորդինատների հետ: Տրված են GNSS ռեֆերենց կայանի և ալեհավաքի տեղի ընտրության, ազդանշանների տվյալների ընդունման երկաթե պա­հա­րանները՝ փոշուց և խոնավությունից պաշտպանվածության, սերվերի տեղադրման և վար­ման պայմանները: Քարտե­զա­գրագեոդեզիական և ինժեներական աշխատանքների կատարման համար դիտարկված ժամա­նակահատվածի հաշվարկված կոորդինատները Հելմերտի եղանա­կով փոխակերպել ՀՀ ԱԳՑ (Ազգային գեոդեզիական ցանց) կոորդինատային համակարգ (ARMREF02): Նախատեսված ցանցը կարող է ապահովել ՀՀ ողջ տարածքում միասնական ավտոմատացված թվային ճկուն գեոդե­զիա­կան կոորդինատային համակարգ, որը կարող է բարձր ճշտությամբ ՀՀ պաշտպանության, ան­վտան­գության, տնտեսական և գիտական ոլորտներում ռազմական, ուսում­նավարժական, նախա­գծային, գործնական, երկրատեղեկատվական և նավիգացիոն համակար­գե­րի համար ապահովել անհրաժետ գեոդեզիական տվյալներ: Դրանով զգալի կբարձրանա աշ­խա­տանքի արտադրողա­կա­նությունը, կկրճատվեն նախագծային և գործնական աշխատանքների ծախսերը և կատարման ժամանակահատվածը, մասնագիտական անձնակազմի քանակը, կա­պա­հովվի բազային կայան­ների անվտանգությունը, գեոդեզիական և քարտե­զա­գրու­թյան գործունեություն իրականաց­նող­ները կունենան ավտոմատացված բազմաչափ, բազ­մա­շերտ տեղեկատվական համակարգ: