Շինարարական նախագծերի իրականացման թիմային կառավարման արդյունավետության համալիր գնահատման մոդել

Ամփոփում

Շինարարության ոլորտում մասնագիտական բազմազանության պայմաններում համագոր­ծակ­ցության բարձր մակարդակի ապահովումը նախագծերի հաջողության կարևոր նախապայ­մանն է։ Թիմերի արդյունավետ կառավարմանը հատկացվում է վճռորոշ դեր՝ որպես նախագծերի արդյունավետ ավարտի հիմք։ Հոդվածում վերլուծվել է թիմային աշխա­տանքի արդյունավե­տու­թյունը Հայաստանի մի շարք շինարարական կազմակերպություններում՝ դիտար­կելով շինարա­րա­կան նախագծերում թիմային կառավարման առանձնահատկու­թյուն­ները, ներառյալ ստորա­կար­գային կառուցվածքի դերը, հաղորդակցման մեխանիզմների ձևավորումը, բախումների կառավարումը և ղեկավարման ոճերի ազդեցությունը։ Այս համատեքստում հա­տուկ ուշադրու­թյուն է դարձվել տեղական շուկայի առանձնահատկություններին, ինչպես նաև ժամանակակից կառավարման մոդելների գործնական կիրառման հնարավորություններին շի­նա­րարական կազ­մա­կերպություններում։ Հոդվածի նպատակն է մշակել գնահատման մոդել՝ շինարարական նա­խա­գծերում թիմային կառավարման արդյունավետությունը վերլուծելու նպա­տակով, ինչը հնա­րավորություն կտա ուսումնասիրել թիմի կազմավորման, փոխազդեցության, կազմակերպչական կառուցվածքի, ղեկավարության ոճի և համագործակցության գործոնների ազդեցությունը նախա­գծի հաջողության վրա: