Ավտոմոբիլային վառելանյութի շահագործական և տեսակարար ծախսերի նորմավորման մեթոդաբանության մշակումը

Ամփոփում

Հոդվածում քննարկված են ավտոմոբիլային տրանսպորտում վառելանյութի ծախսի նոր­մերը, որոնք նախատեսված են՝ շահագործման պայմաններում վառելանյութի ծախսի, վիճա­կա­գրության, օպերատիվ կառավարման, փոխադրումների ինքնարժեքի որոշման, տրանսպոր­տա­յին ընկերությունների եկամուտների հաշվարկման, ինչպես նաև էներգոխնայող տեխնոլոգիա­ների և միջոցառումների մշակմանը։ Վառելանյութի ծախսի նորմերի մշակման ժամանակ որոշ­վում է շարժակազմի բազային մոդելների շահագործական ծախսը՝ հաշվի առնելով կատարած տրանսպորտային աշխատանքը և շահագործման պայմանները։ Մշակված է մեթոդաբանու­թյուն, որի շնորհիվ հնարավոր է ուղևորափոխադրումների և բեռնաշրջանառությունների ժամանակ ճիշտ պլանավորել ավտոմոբիլներով փոխադրումների կազմակերպման նպատակահարմա­րու­թյունը՝ ըստ վառելանյութի տեսակարար ծախսի։ Տրանսպորտային ընկերություններն ավտո­մո­բի­լային վառելանյութի ծախսի տարեկան ծրագրավորումը կատարում են ըստ տրանսպոր­տա­յին միջոցների աշխատանքի ծավալի՝ բեռնաշրջանառության և ուղևորաշրջանառության։ Ավտո­մո­բիլների վառելանյութի հսկողական ծավալի ցուցանիշի օգտագործումը որպես բազային նորմատիվ, չի կարող հիմք ծառայել տարեկան վառելանյութի և դրամական միջոցների ճիշտ պլանավորմանը։