«Շարժական թաղանթ» խելացի գյուղատնտեսական նորարարական ուսումնական համալիրի հայեցակարգային առաջարկ

Ամփոփում

Ներկայացված են կրթության ներդրման միջոցով խելացի գյուղատնտեսության զարգաց­ման հնարավորությունները Հայաստանի խոշորացված գյուղական համայնքներում, նորարա­րա­կան շարժական մոդուլային հավաքովի կոնստրուկցիաների կիրառման շահավետ նախադրյալ­ները։ Նպատակը և խնդիրներն են՝ հիմնվելով միջազգային փորձին, Հայաստանի խոշորացված գյու­ղա­կան համայնքների տիպաբանական վերլուծությամբ ուսումնասիրել վարչատարածքային միա­վոր­ների գյուղատնտեսական կազմը, լիարժեք բացահայտել դրանց բաղկացուցիչ տարրերի բովան­դա­կությունից բխող կոնստրուկտիվ առանձնահատկությունները, կիրառելով շարժական մոդուլային սկզբունքով նախագծվող համալիրի ձևագոյացման մեթոդը։ Դիտարկվել են շարժա­կան համալիրների կոնստրուկցիաների նախագծման հիմնական սկզբունքները, համադրելով խելացի գյուղատնտեսության մասնագիտական առանձնահատկություններին և խնդիրներին, առաջադրելով համայնքից համայնք տեղափոխվող ծավալների կիրառման շահավետությունը, կազմակերպելով տեղացիներին կրթելու նպատակով հնարավորինս հարմար տեղաշարժ: Նպաս­­­տավոր նախադրյալներ են ստեղծվում սահմանամերձ համայնքներում միաժամանակ պաշտպա­նական ռազմաուսումնական ծրագրերի ներդրմանը, տարածքում հատկացված համա­պա­տաս­խան գոտում: Ներկայացվում է նորարարական ուսումնական համալիրի հայեցակար­գային նախա­գիծը, որը շարժական արագ հավաքվող, ռելիեֆի հանդեպ ինտերակտիվ, ինքնաբավ էլեկտրա­կա­նությամբ, ռեսուրսախնայող, շահավետ խթանում է համայնքների զարգացմանը՝ խելացի գյուղա­տն­տեսության ներդրման միջոցով: