Երևան քաղաքում տրանսպորտային հիմնախնդիրների ուսումնասիրություն և վերլուծություն՝ բարելավման նպատակով

Ամփոփում

Հոդվածում ուսումնասիրվել է Երևանի ճանապարհափողոցային ցանցի (ՃՓՑ) վրա տրանս­պորտային հոսքերի ֆիզիկատեխնիկական պարամետրերի (ինտենսիվություն, խտություն, արա­գություն) միջև կապը։ Գոյություն ունեցող լուսացուցային կառավարման համակարգն առկա տրանս­պորտային հոսքերի պայմաններում չի ապահովում խցանումների կանխարգելումը։ Խնդրի կարգավորման ուղիներից են համարվում երթևեկության ճկուն կառավարման ավտոմա­տացված համակարգերը, որոնք պահանջում են տրանսպորտային հոսքերի երթևեկության գնա­հատ­ման ցուցանիշների խոր ուսումնասիրություն, ինչպես նաև տեխնիկական հագեցվածության նպատակով ֆինանսական զգալի ռեսուրսների ներդրում։ Ճանապարհների և տրանսպորտային միջոցների անհամամասնական աճի պատճառով երթևեկությունը կազմակերպող և վերահսկող կառույցները ստիպված են փնտրել խնդրի լուծման նոր մեթոդներ և եղանակներ: