Երևան քաղաքի լքված արդյունաբերական տարածքների գնահատումը էկոտնտեսական չափորոշիչների կիրառմամբ

Ամփոփում

Հոդվածում ներկայացված են Երևան քաղաքի լքված արդյունաբերական տարածքների վերակազմավորման գործընթացները, հիմնվելով էկոտնտեսական վարկանիշային չափորոշիչ­ների մշակման վրա: Այս մոտեցումը համապատասխանում է տնտեսության կայուն զարգացման հայեցակարգին, որը հաշվի է առնում բոլոր տեսակետները՝ բնապահպանական, սոցիալական և տնտեսական, ինչպես նաև դրանց ազդեցությունները վերակազմավորման ողջ ցիկլի ընթացքում: Մշակված մեթոդաբանությունը հնարավոր է դարձնում համակողմանի վերլուծել Երևան քաղաքի լքված արդյունաբերական տարածքների գոյություն ունեցող էկոտնտեսական իրավիճակը, ըստ գործող իրավական նորմերի և ստանդարտների: Կիրառված հաշվարկային մեթոդը թույլ է տալիս ստանալ նոր վերլուծական բանաձև, որի շնորհիվ ներդրողը կարող է գնահատել ակնկալվող և արտաքին ծախսերը: Ուսոմնասիրությունների հիման վրա կատարվել են եզրահանգումներ՝ ըստ որոնց հնարավորություն կստեղծվի գտնել արդյունավետ լուծումներ «խելացի քաղաք» հայեցա­կարգի սահմաններում, հաշվի առնելով հնարավոր ռիսկերը: