Ջերմաստիճանային գրադիենտի փոփոխության վերլուծությունը սենքերում ջեռուցման տարբեր աղբյուրների համատեղ կիրառմամբ

Ամփոփում

Հոդվածի նպատակն է գնահատել, թե ինչպես է ջերմաստիճանային գրադիենտը փոփոխ­վում սենյակում, կախված ջեռուցման աղբյուրի տեսակից` միայն ջեռուցման մարտկոցի, միայն կասետային տիպի օդորակիչի կամ երկու սարքերի համատեղ շահագործման պայմաններում: Կատարված փորձի նպատակն է ուսումնասիրել, թե ինչպես է այս երկու համակարգերի համակ­ցումն ազդում ջերմային բաշխման համաչափության և հարմարավետության մակարդակի վրա: Այս նպատակին հասնելու համար իրականացվել են մի շարք չափումներ, կիրառելով տարբեր ջերմաստիճանային պայմաններ և չափիչ սարքեր։ Կատարվել են սենյակում օդի ջերմաստի­ճանի, խոնավության չափումներ տարբեր բարձրությունների վրա, ջեռուցման տարբեր աղբյուր­ների գործարկման ժամանակ: Փորձերի արդյունքում ստացվել է, որ ստատիկ ջեռուցման աղբյու­րի (ջեռուցման մարտկոց)  և  օդի շրջանառությամբ  ջեռուցիչի  (կասետային տիպի  օդորակման ներ­քին բլոկ) համակցումը նպաստում է սենքում ջերմաստիճանային գրադիենտի հավասարա­կշռ­ված ուղղահայաց բաշխմանը, ապահովելով ջերմային հարմարավետության բարձր մակար­դակ: Արդյունքները կարող են օգտագործվել ինչպես ջեռուցման և հովացման համակարգերի նախագծման, այնպես էլ դրանց կիրառման նպատակահարմարության գնահատման համար: