Սառնարանային տեղակայանքների էներգաարդյունավետության հետազոտումը միջանկյալ ջերմակրով համակարգերի կիրառմամբ

Ամփոփում

Հետազոտության նպատակն է ուսումնասիրել միջանկյալ ջերմակրով (ՄՋ) աշխատող սառնարանային մեքենաների աշխատանքի սկզբունքը, դիտարկել դրա տիպերից ամենա­նպա­տակահարմարը, մասնավորապես, Հայաստանի Հանրապետությունում կիրառման հա­մար: Ներկայումս լայն տարածում ունեն այնպիսի սառնարանային տեղակայանքներ, որոնք սառեց­ման շրջափուլն իրականացնում են միջանկյալ ջերմակրով: Միջանկյալ ջերմակրով համա­­կարգերի կիրառումը հնարավորություն է տալիս տարվա ցուրտ ժամանակահատվածում անջա­տել սառնագենտով շղթան և իրականացնել ջերմության տեղափոխումը անմիջա­կանորեն շրջակա միջավայր միջանկյալ ջերմակրի լրացուցիչ ջերմափոխանակիչի միջոցով, ինչն էլ իր հերթին բերում է էներգախնայողության: Հոդվածում հետազոտվել են միջանկյալ ջերմակրով աշխատող սառնարանային տեղակայանքների շրջափուլերը` միջանկայլ ջերմակիրը կիրա­ռե­լով կոնդենսատորի, գոլորշիացուցիչի վրա, երկուսի վրա միասին և առանց միջանկյալ ջեր­մա­կրի: Հաշվարկվել է դրանցից առավել էներգախնայողը և էներգաարդյունա­վետը՝ մասնավո­րա­պես ՀՀ տաք, չափավոր և ցուրտ տարածաշրջանների համար: Արդյունքները ներկայացված են գրաֆիկներով: