«Խելացի քաղաքների» կառավարումն աշխարհատեղեկատվական համակարգերի միջոցով

Ամփոփում

Աշխատանքում վերլուծվում են «խելացի քաղաքի» գաղափարը, վերջինիս հայեցակարգը, նախագծման և իրագործման մոդելները, դրանցում աշխարհատեղեկատվական հա­մակարգերի (ԱՏՀ), դրա գործիքակազմի կիրառման կարևորությունն ու հնարավորությունները։ Քնարկվում է նաև ընդհանուր «խելացի քաղաքի» կառուցվածքը, դրա հիմնական առաձնա­հատ­կությունները, վերջինիս իրականացման հաջորդական քայլերը և մեթոդաբանությունը։ Աշխարհատարա­ծա­կան տվյալները, որոնք վերաբերում են քաղաքային տարբեր տիպի ենթակառուցվածքներին, քաղաքային տարածքի կառավարման և վերահսկման անքակտելի մասն են կազմում։ Արծած­ված խնդիրները կնպաստեն արդիականացնելու և զարգացնելու «խելացի քաղաք» հայեցակար­գում դիտարկված մի շարք ուղղություններում ներդնելու ԱՏՀ տվյալներ, որոնք ինտեգրված կա­դաստրի հիմնարար բազայի համար հնարավորություն կստեղծեն հասարակությանը հուսա­լի տվյալների տրամադրումը Գեոպորտալում ավտոմատացման միջոցով։ Տարածական տվյալների խելացի կառավարման նպատակով աշխարհի բոլոր մեգապոլիսներն իրենց տեղեկատվական ենթակառուցվածքի մի մասն են դարձրել ԱՏՀ համակարգերը, որոնց իրագործման մեթոդները և առաջնահերթությունները մանրամասն ներկայացված են հոդվածում։ Վերջին տարիներին ԱՏՀ տեխնոլոգիաները ՀՀ-ում ինտենսիվ սկսեցին կիրառել քաղաքային միջավայրերի մշտադի­տարկ­­ման և խելացի կառավարման համար, որոնց թվում է ք. Վաղարշապատի ԱՏՀ միջավայր տեղափոխված օրինակը։