Բազմաէներգետիկ լուծումների կիրառելիությունը բնակելի շենքերում

Ամփոփում

Հոդվածում քննարկվում է բնակելի շենքերի ջերմային նախագծման մեթոդաբանության մշակումը, որը ներառում է վերականգնվող տեխնոլոգիաների ինտեգրմամբ բազմաէներգետիկ համակարգերի օպտիմալ ընտրությունն ու շահագործումը։ Առաջարկվում է ֆոտովոլտային, արևային ջերմային և գեոթերմալ ջերմային պոմպերի տեխնոլոգիաների համակարգային կիրա­ռելիության մոդելի մշակում և գնահատում։ Ներկայացված մոդելը կարող է ծառայել որպես արդյունավետ տեխնոլոգիական լուծում էներգաարդյունավետ շենքային նախագծերի իրակա­նաց­ման, նախագծային և շինարության փուլերում օպտիմալ տեխնոլոգիական որոշումների կայացման համար, հաշվի առնելով, որ ՀՀ-ն ունի վերականգնվող էներգետիկայի՝ հատկապես արևային և երկրաջերմային ռեսուրսների զգալի ներուժ։ Նշված դրույթները կարող են նպաստել երկրի տնտեսական և էներգետիկ համակարգերի կայուն զարգացման ապահովմանը, շրջակա միջավայրի պահպանմանը։