Արհեստական բանականության կիրառման բարոյագիտական տեսանկյունները դիզայն կրթության և նախագծման գործընթացում
DOI:
https://doi.org/10.54338/18294200-2026.1-02Բանալի բառեր:
արհեստական բանականություն, դիզայնի գործընթաց, դիզայնի կրթություն, բարոյագիտություն, ստեղծագործական ինքնուրույնություն, գեներատիվ տեխնոլոգիաներ, հեղինակություն, մասնագիտական պատասխանատվությունԱմփոփում
Արհեստական բանականության տեխնոլոգիաների կիրառումը դիզայնի ոլորտում էական ազդեցություն ունի ինչպես նախագծման գործընթացի, այնպես էլ մասնագիտական կրթության վրա։ Գեներատիվ ալգորիթմները և մեքենայական ուսուցման մեթոդների վրա հիմնված գործիքները կիրառվում են նախագծման գործընթացի տարբեր փուլերում՝ գաղափարի էսքիզավորումից մինչև նախագծային լուծումների ներկայացում։ Կրթական միջավայրում դրանց օգտագործումը հաճախ ուղեկցվում է ստեղծագործական ինքնուրույնության սահմանափակմամբ և ալգորիթմիկորեն գեներացված արդյունքների վերարտադրությամբ, ինչն առաջացնում է բարոյագիտական և մասնագիտական խնդիրներ։ Հոդվածի նպատակն է վերլուծել նախագծման ընթացքում արհեստական բանականության կիրառման բարոյագիտական տեսանկյունները՝ հատուկ ուշադրություն դարձնելով ուսանողների ստեղծագործական ինքնուրույն մտածողության ձևավորման վրա։ Հետազոտության ընթացքում կիրառվել են գիտական աղբյուրների վերլուծություն, համեմատական և հայեցակարգային վերլուծության մեթոդներ։ Արդյունքում բացահայտվել են հիմնական էթիկական ռիսկերը՝ կապված հեղինակային սահմանազատման, նախագծային որոշումների գիտակցվածության նվազման և դիզայների դերի վերափոխման հետ։ Հիմնավորվել է դիզայնի կրթության մեջ արհեստական բանականության կիրառման բարոյագիտապես պատասխանատու և քննադատական մոտեցման անհրաժեշտությունը։
Downloads
Downloads
Հրատարակվել է
How to Cite
Թողարկում
Բաժին
License
Copyright (c) 2026 Гаяне Александрян
This work is licensed under a Creative Commons Attribution-NonCommercial 4.0 International License.