Tasks of Ensuring the Operating Life of Standard Housing Blocks Built in Yerevan: Strategy

Ամփոփում

Հոդվածը վերաբերում է բնակելի ճարտարապետության ասպարեզում կառույցների հուսա­լիության ապահովման խնդիրներին։ Աշխատանքի նպատակն է ընդհանրական վերլուծության ենթարկել Երևանում կառուցված տիպարային բազմաբնակարան շենքերի վերաբերյալ առկա տեղեկատվական բազան և վեր հանել դրանց շահագործման երկարակեցության ապահովման ռազմավարության խնդիրները։ Հոդվածը մշակվել է գիտական հրապարակումների, արխիվային նյութերի և բնօրինակ ուսումնասիրությունների հիման վրա՝ տեսական հետազոտման, վերլու­ծու­թյան, դասակարգման և ընդհանրացման գիտական մեթոդներով: Ներկայացվել է թեմայի շուրջ առկա տեղեկատվությունը, որի ընդհանրացման արդյունքում շենքերում առաջացած խնդիր­ներն առանձնացվել են կառուցվածքային, ինժեներական և գեղարվեստական ուղղություն­ներով։ Վերջինս հիմք է հանդիսացել ռազմավարության խնդիրների հստակեցման համար, որոնք քննարկվել են առկա հետազոտությունները հետևյալ ուղղություններով լրացման համատեքս­տում՝ ձևավորման պատմություն, փաստացի իրավիճակ, միջազգային փորձ։ Հիմնավորվել է, որ ամբողջացված տեղեկատվական բազան հնարավորություն կտա մշակել Երևանի տիպարային բազմաբնակարան շենքերի շահագործման երկարակեցության ապահովմանն ուղղված գիտակա­նորեն հիմնավորված հանձնարարականներ։ Նախորոշվել են գործընթացի ռազմավարության հիմնական խնդիրներն ու ապագա աշխատանքների ուղղությունները։ Ստացված արդյունքները կարող են օգտակար լինել ինչպես Երևանի բնակելի ֆոնդի արդիականացման ծրագրերի, այնպես էլ բնակելի կառույցների վերակառուցմանն առնչվող տեսական աշխատանքների մշակման  համար։