Երևան քաղաքում երթևեկության հեռավար համակցված կառավարման ներդրման ուղիների մշակում

Ամփոփում

Հոդվածում հիմնավորված է առաջարկություն՝ Երևանի ճանապարհափողոցային ցանցի (ՃՓՑ) խաչմերուկներում երթևեկության կազմակերպման բարելավումն իրականացնել իրավա­խախտումները հայտնաբերող տեսանկարահանող սարքավորումների օգտագործմամբ: Առա­ջարկ­­վում է մշակել առկա բազայի վրա հիմնված նոր լրացուցիչ համակցված համակարգ և այն օգտա­գործել  երթևեկության կազմակերպման և կառավարման նպատակով։ Գործող համակարգն իրական ժամանակի ռեժիմում վերահսկում է երթևեկությունը խաչմերուկներում։ Առաջար­կու­թյան նպատակն է անհրաժեշտության դեպքում հեռավար հսկող օպերատորի կողմից ձեռնարկել միջոցներ՝ առաջացող խնդիրների կարգավորման նպատակով։ Նման համակարգի ներդրումը հնա­րավո­րություն կտա որոշակի չափով կառավարել տրանսպորտային հոսքերի երթևեկու­թյունը, կրճատել տրանսպորտային միջոցների ուշացումները, նվազեցնել խցանումների առա­ջաց­ման հավանականությունը, բարձրացնել տրանսպորտային հոսքերի երթևեկության միջին արագությունը, ինչպես նաև բարելավել երթևեկության և շրջակա միջավայրի էկոլոգիական անվտան­գությունը, ընդ որում ոչ մեծ կապիտալ ներդրումների միջոցով։