Երևան քաղաքի կենտրոնում հեծանվային ուղիների կազմակերպման կարևորությունը կայուն շարժունակության ուսումնասիրության գործընթացներում

Ամփոփում

Վերլուծության են ենթարկվում ք. Երևանի Կենտրոն համայնքում հեծանվային ուղիների կազմակերպման հնարավորությունները՝ ուսումնասիրելով միջազգային փորձը և դուրս բերե­լով առավելությունները քաղաքաշինական կայուն շարժունակության մեջ։ Անհետաձգելիորեն արդիական է հեծանվային ուղիների կազմակերպումը ք. Երևանի Կենտրոն համայնքում՝ հաշվի առնելով հեծանվավազքի արագ զարգացող միտումը։ Քննարկվել են ք. Երևանի կենտրոնում հեծա­­նվային նոր ուղիների ստեղծման հնարավոր դրական ազդեցությունները կայուն քաղա­քաշի­նության զարգացման համատեքստում։ Ուսումնասիրության է ենթարկվել հեծավային ուղի­ների շահագործման միջազգային փորձը, դուրս բերելով քաղաքաշինական կարևորագույն նորմերը և դրանց հնարավոր ինտեգրումը ք. Երևանի կենտրոնի, որպես տրանսպորտային փոխադրամիջոցներով գերծանրաբեռնված հատված, ճանապարհային ինֆրաստրուկտուրայի և որոշ դեպքերում նաև կանաչապատ հատվածների՝ այգիների, պուրակների մեջ։ Քննարկվել են նաև հեծանվային ուղիների բացակայության պատճառով առաջ եկած մի շարք խնդիրներ, ինչ­պի­սիք են՝ ճանապարհային պատահարներ, այլընտրաքային փոխադրամիջոցների ոչ լիար­ժեք շահագործում, ածխաթթու գազի արտանետումներ, կապված անձնական տրանսպոր­տային միջոց­ների աճի հետ, խցանումներ, քաղաքային տրանսպորտային միջոցների գերծանրաբեռ­նված­ություն։